اسرائيل تقتل الناس ع الحدود شباب وبنات ومحدش يتحرك
..يدوب كلمتين فى الجرايد وخلاص
شباب يموت فى عرض البحر عشان لقمة عيشه وتتكرر المأساة كذا مرة
ومحدش يتحرك
وبرده كلام فى الجرايد
شباب خليجى يدوس ع الناس بعربياته ويتهربو لبلادهم
ولا حد يتكلم
ولا كأن حاجة حصلت
وآخر الاخبار ان باخرة امريكية جلوبال باتريوت فتحت النار ع البمبوطية (تجار فى البحر)
واتقتل منهم ناس
حد اتكلم...حد قاطع...حد قال هنقوم نحارب
وناخد بتار الضحايا الى ملهمش ذنب
غير ان اسمهم مصريين..
و عشان مجرد ان اسمهم مصريين يروح دمهم هدر
ياترى ايه كان هيبقى الموقف لو كان الى حصل ده فى عهد عبد الناصر؟
مع انى مش ناصرية
لكنى اعتقد ان على الاقل لو كان عايش كان برد نار المصريين بكلمتين...
يا عينى علينا المصريين لما نرخص......
ايووووع السياسة الى محت الشهامة والنخوة والوطنية من نفوس المسئولين
6 comments:
حجزت اول مقعد فى التعليقات
المصرى دايما متهان
جوه بلدة
او
بره بلده متهان
عايش
ميت متهان
ربنا يرحمنا
و دمتــــــــــــــــــــــــــــم
شكرا جدا ليكى ساموراى على حجزك المقعد هو انتى فى المدرج حاجه تقرف يلا وشكرا ليكى ثانيا على تعليقك
الله عليكى يا دينا
طول عمرك مبدعه
ميرسى جدا يا مندو وانا اقول ليه البلوج بتاعى منور اتاريك عامل كومنت
ساموراي موش المصري بس ألي متهان دول كل العرب والدول العربية متهانة لما ألاف الأطفال بيموتو في العراق وفلسطين ولبنان وسوريا وأخيرا بمصر مضلش كلام ما في امان في بلادنا مصر ام الدنيا ما يسير فيها امان ليه بس كل دا
وشكرا أختي دينا على الموضوع والكلمات حركت فينا روح الوطنية
فلسطيني مصري لبناني
كاسرا ليد جلادي
هازما جيش الأعادي
رافعا رأسي أنادي
بلادي بلادي بلادي
لكي حبي وفؤادي
هاي كلماتي ردا على خاطرتك أختي
الموضوع عرض وطلب وبناءا على ذلك يتحدد السعر والقيمة وبم أن المصريين عددهم أكتر من الازم والمعروض زيادة عن الطلب فالطبيعى أن سعرهم يرخص فى القطاعى والجملة
Post a Comment